على كرسي الاعتراااااااااف

السوري الاماراتي كتب: شو مفهومك للحياة ؟؟
الحياة مزيج متنوع من الخير والشر
فيها الحلو وفيها المر
وكل إنسان معرض ليذوق المزيج تبعها
بس الشاطر يللي ما بييأس من شي فيها وبيتجاوز كل العقبات يللي بتطلع بوجهه

برأيك شو السبب يلي نحنا موجودين من شانه ؟؟
مذكور بالآية الكريمة: بسم الله الرحمن الرحيم
(وما خلقت الإنس والجن إلا ليعبدون)
وهي رسالة الأنبياء جميعاً للبشر

هل أنت من الأشخاص يلي بحبوا يأبدعوا باختصاص دراستهم ؟ لما من الأشخاص يلي بحبوا يتخرجوا من الجامعة وبس؟؟
هلأ هي الأمور كلها توفيق من رب العالمين
بس طبعاً أنا ما بحب ضلني واقفة بمكاني
وبتطلع دائماً للأفضل

ما هو مفهومك للتفوق؟ ومتى يمكن للانسان أن يتوصل اليه ؟؟
التفوق هو ثمرة الجد والتعب التي يحصلها الإنسان
وطالما الإنسان بذل جهدو واتوكل على رب العالمين فبإذن الله بيتوصل للتفوق
فمن جد وجد ومن سار على الدرب وصل

شو أهدافك بالحياة ؟؟
سؤال مكرر جاوبت عليه تاتو ومحمد

وشو السبب يلي خلاكم تصمموا هاد المنتدى ؟؟
بدك تسأل هاد السؤال للأدمين ميمو

وهل هاد المنتدى بساعدك على تحقيق أهدافك ؟؟
بعض منها

شو رأيك بشباب وبنات هالأيام ؟؟
للأسف كل مالون عم يتراجعوا دينياً وخلقياً وتربوياً
طبعاً مو الكل بس الغالبية العظى

شو المزايا وشو السلبيات ؟
للأسف المزايا كتير قليلة قدام السلبيات
متل التسيب وعدم اللاوعي وعدم استغلال الوقت وهدره في صغائر الأمور وقلة الأدب والدين والأخلاق و و و ... للأسف

وكيف بتعتقدي يمكن التغلب عالسلبيات الموجودة عندهم ؟؟
بالعودة لديننا والتمسك به والعودة لكتاب الله والعمل به باتباع الأوامر واجتناب النواهي

وهل أنتي من الأشخاص يلي ممكن يفيدوا بهاد المجال؟؟
إذا الله راد ليش لا

الجامعة شو بتعنيلك ؟؟
مكان لطلب العلم لا أكثر

وشو أهدافك الدراسية لما بعد الجامعة ؟؟
الله أعلم

شو أكتر لحظة فرحتي فيها بحياتك ؟ وشو أكتر لحظة بتتوقع تفرح فيها أكتر ؟؟
أكتر لحظة فرحت فيها ختمي لكتاب الله
وأكتر لحظة بفرح فيها أكتر تحقيقي لهدفي وقضيتي

وشو أكتر لحظة شعرت فيها بالحزن ؟؟
الندم على ما فات من أيام دون استغلالها

شو رأيك بالأزمات الانسانية العالمية ؟؟
ما بحسن قول غير الله يكون معهون بصراحة الشي يللي عم يصير مو طبيعي وبيجرح للصميم

كيف بتتوقعي الحل لمتل هالأزمات ؟؟
الحل بيبدا من عنا نحنا كعرب
بس بدك مين يفهم

وهل حاولتي تساهم يولو لمرة بحل أزمة انسانية من الأزمات الموجودة حاليا ؟؟
للأسف لا

شو رأيك بالظلم الموجود في شتى بقاع الأرض ؟؟
شي مؤسف يللي عم نشوفوا
والمؤسف أكتر إنو ما عم يطلع بإيدنا شي

وكيف الطريقة لنصرة المظلوم ؟؟

أكيد وقت بتمشي بالطريق بتلاقي كتير أشياء ما بتعجبك ممكن تذكريلنا أمثلة عن هالشي؟؟
الانفتاح الزايد يللي صار عنا ورفع الكلفة الزايد بين الشب والبنت
واللبس الفاضح والمجسم


برأيك هل يمكن للانسان أن يبقى صامتا في حال وجد الظلم وفي حال وجدت أزمات انسانية تبكي القلب ؟؟وليش؟
أكيد لا
لأنو بدو يصل لمرحلة ما يحسن يسكت فيها ويحاول يقدم ولو شي بسيط لحل متل هالأزمات


هل بتتوقعي أنه أنت واحدة من ملايين سكان الكرة الأرضية يلي واقعين بأزمة انسانية ؟؟
لا

هل ندمت على شيء في حياتك ؟؟ ولماذا ؟؟مع ذكر المثال
لا الحمد لله ما ندمت على شي وبإذن الله مالح إندم
لأنو كل شي بإيد رب العالمين

هل تعرفت على شخص وفيما بعد وجدت نفسك متسرعة في التعرف عليه ؟؟
لا


هل أنت مع موضوع الزواج المبكر ؟؟ وهل من الممكن للشاب أو الفتاة الزواج قبل الانتهاء من الجامعة ؟؟
مو قبل ال 18 سنة بالنسبة للبنت
ومو تحت 25 بالنسبة للشب
بالنسبة للفتاة يمكن الزواج قبل الأنتهاء من الجامعة بس بالنسبة للشب أكيد لا لأنو لازم الشب لحتى يأقبل على هيك خطوة يكون متأهل من كل النواحي يعني ناهي دراستو الجامعية ومأمن شغلو وعندو بيت وهيك أمور ما بتتوفرلو إلا لبعد التخرج


شو مفهومك للأسرة ؟؟
الأسرة هي بمثابة الدرع الواقي للأبناء
وهي سنة الحياة

وكيف يمكن بناء أسرة ناجحة في جميع المجالات ؟؟
هاد الشي بيعتمد على مدى كفاءة الأم والأب ومدى وعيهم وثقافتهم

شو بتقول للأشخاص التاليين :
الظالم :
لح يجي يوم وتنقلب عليك
المظلوم
اتوكل على الله وإذا ما حصلت حقك الضائع بالدنيا فأكيد لح تحصلو بالأخرة
الشعب الفلسطيني
واعتصموا بحبل الله جميعاً ولا تفرقوا
القضية الضائعة
بإذن الله لح ترجعي وتتحقي
الحق المغتصب
سيأتي يوم وتعود
الصمت العالمي
كفى
العقول المسافرة
عودي فنحن بحاجة لك
المواهب الضائعة
لا بد أن تثمري في يوم من الأيام
الشباب العربي
انهضوا وسيروا بخطى واثقة ولا تتوانوا عن تحقيق أهدافكم وغاياتكم

أووبس وين بتشوفي حالك بعد 10 سنين ؟
والله يا ميمو ما بحب إتطلع لبعيد
كل الأمور بإيد رب العالمين

شو علمتك الحياة ؟؟
علمتني الحياة إنو ما أيأس وابقي رجلي ثابتة على المكان يللي بدي أوصلو


شو حكمتك المفضلة بهالحياة ؟؟
هي مو حكمة بس دعاء
اللهم خرلي في القضاء ورضني به


مين الشخص يلي بتعتبري قدوة الك بالأمور التالية :
التسامح
بابا
الدين
سيدنا محمد صلى الله عليه وسلم ومعلمتي
الانسانية
--
العلم
--
التفوق
--
التعامل مع الغير
--
بالنسبة لأعضاء المنتدى شو بتحبي تقولي ل:
أووبس
ما صدف حكيت مع حالي ميمو
هههههههههه
روودي
الله يخليلي ياكي
لوغويال
أفكارك كتير حلوة ومواضيعك هادفة خليك هيك
لاستيلا
حبيتك من دون ما شوفك
الله يحميكي
عبادوف
بحسك بتيأس بسرعة
لا تخلي اليأس يسيطر عليك
غاردينيا
ما كتير بعرفها بس بحسها ظريفة
بابل فان
قوة شخصية حلوة
هيسو
بحسو أكتر واحد بلطف الجو بمواضيعو الفكاهية بالمنتدى
ثابر وإلى الأمام ههههههههه
محمد
الله يخليلك هاني
سليمان
شاعر المنتدى
وبقلو سلم أمورك لله
ابن الشام
ما سنحتلي الفرصة اتعرف عليه منيح
بقلو الله يوفقك
الأدمين
أووووووووو
غير شكل
مين بيحسن يحكي على سيادة الأدمين
هههههههه
كتكوتة
ما كتير بعرفها بس بحسها إنسانة حساسة وطيوبة لأبعد الحدود
الفلسطينية المغامرة
الله يوفقها
علا
حبابة كتير ومثقفة
تاتو
ما لح قلو شي [ندعوك للتسجيل في المنتدى أو التعريف بنفسك لمعاينة هذه الصورة]
وحدة بوحدة
هههههههههه
سومي
ما بعرفها
الله يوفقها
وأخيرا
السوري الاماراتي
مبادءك كتير حلوة
الله يحميك
وين بتشوفي المنتدى بعد سنة ؟؟
بإذن الله نحو غد مشرق

هل برأيك المشرفين على القدر الكافي لادارة المنتدى ؟؟
إن شاء الله يكونوا أد هالمسؤولية

شورأيك ببيت الشعر التالي
حدثني أبي
في أي قطر عربي
ان أعلن الذكي عن ذكائه
فهو غبي
؟؟
بصراحة هي أول مرة بسمع فيه

حاجة أسئلة لليوم
خلي الأسئلة ليوم تاني

Lastella كتب:بنت عمتييييييييييييي آسفين عل التأخير بالأسئلة
أهلييييييييييييين بنت خالي
هلا والله
إي والله
حي الله
ههههههههه [ندعوك للتسجيل في المنتدى أو التعريف بنفسك لمعاينة هذه الصورة]
بس شايفة الشباب ما قصرو [ندعوك للتسجيل في المنتدى أو التعريف بنفسك لمعاينة هذه الصورة] ماشاء الله كوبي بيست
شايفة شايفة هاد ميمو مالو شاطر غير بالكوبي بيست منيح بالأخير طلع شاطر بشي شغلة [ندعوك للتسجيل في المنتدى أو التعريف بنفسك لمعاينة هذه الصورة]
بكل الأحوال مارح طول عليكي عندي كم سؤال خفاف نضاف لأنو موحلوة نمرقلك ياها بدون أسئلة [ندعوك للتسجيل في المنتدى أو التعريف بنفسك لمعاينة هذه الصورة]

الأول : احكيلنا عن موقف تعرضتي فيه لإحراج كبير و قدرتي تخلصي حالك منو
والله يا لولو بقيت شي ساعة عم إعصر مخي لإتذكرلك شي موقف بس اتذكرت
خلص تكرم عينك بس يخطر على بالي شي بقلك
الثاني : بالنسبة لعمل المرأة , برأيك هل يؤثر سلبا على عمل الرجل
أكيد لا
و هل المرأة بمجال العمل بتقدر تكون ند للرجل أم مساعدة له
طبعاً بتقدر تكون ند ومنافس للرجل إذا كانت المرأة على قدر كافي من الكفاءة والوعي والمهارة
ومتل ما في رجال ناجحين بعملهم في بالمقابل نساء ناجحات وذوات مناصب عالية
سؤال أخير : إذا أعطيتي خيار أنو تكوني وزيرة التعليم العالي شو بتغيري بنظام التعليم العالي
لك آاااخ شو بدي أعمل لأعمل
تحيسن شروط الانتساب للجامعات حتى تكون بمتناول يد جميع الطلبة على اختلاف مستوياتهم المادية والاجتماعية
تخفيف أقساط التعليم الموازي
محاولة النهوض بالجامعات بالمقارنة مع جامعات دول أوروبا والغرب
و..و..و
إذا بدي ضل إحكي ما بخلص لبكرا

gardinia كتب:سلام
هلا هلا بغاردينيا خانوم

شو اهم شي بحياتك
أهم شي بحياتي العلم والمعرفة بكافة مجالات الحياة

كيف بتقضي يومك
والله مافي شي محدد
يعني بأيام الأسبوع عدا الجمعة يا أما دراسة يا مساعدة ماما بالبيت يا شي مشوار
والجمعة كالعادة فاضية راضية

اصعب شي تعرضتي اله بحياتك
الحمد لله ما في شي يذكر
الإنسان إلا ما يتعرض لمحن بحياتو بس لازم يصبر ويفكر بهدوء
كل محنة بتزول بس الشاطر يللي ما بخلي هالمحنة تترك أثرها عليه وبيقدر يتجاوزها بكل أريحية

في شي موقف صار معك وضحكتي في على تصرفك في؟؟؟اذكريلنا يا
والله يا غاردينيا أيام المدرسة كلها مقالب بمقالب
مرة حطينالها فارة لعبة لآنسة القومية على الكرسي
وشوفيها مسكينة لما شافتها وبلشت تصرخ بهالصف ولحشت شنتايتها ورفست الكرسي
ههههههههههههههه [ندعوك للتسجيل في المنتدى أو التعريف بنفسك لمعاينة هذه الصورة]

شو الشي المهم كتير بحياتك وما تحقق لهلق
الحمد لله كلشي بعتبرو مهم بحياتي حسنت حصل عليه

شو اكتر شي بتحبي يتوافر بكل يلي بتحكي معن
الصدق والأخلاق

شو هي الشخصية المثالية برايك

ياسمينة الشام كتب:

أن تصل متأخرا خير من أن لا تصل أبدا
بقيان حوالي ساعه ونص لانتهاء دور حضرة المديرة أوبس عالكرسي
بدي لحق حالي بكم سؤال مو حلوة قعدت أسبوعين وما سألناها
أول شي سوري كتير خيتو أوبس الحق عالمواصلات مشان هيك تأخرت
ولا يهمك ياسمينة
قلت لحالي خلصت استجواب [ندعوك للتسجيل في المنتدى أو التعريف بنفسك لمعاينة هذه الصورة]
هي كم سؤال تسلي فيهن شوي تحلاية بعد الأسئلة يللي إجوكي من الأعضاء




1.كم شخص بحياتك ممكن تعتمدي عليهن
الأشخاص يللي بعتمد عليهن هنن الأشخاص يللي بثق فيهون
والحمد لله في بحياتي أشخاص عديدة ثقتي فيهون عالية وبالتالي بعتمد عليهون


2.شو ناوية تساوي بعد ماصرتي من أعضاء مجلس الإدارة
والله يا ياسمينة هاد الشي بيتوقف على الثغرات يللي قد توجد بالمنتدى
وبصراحة وبدون مجاملة تاتو والأدمن عنجد مكفيين وموفيين
بس الشي يللي فيني قلك ياه هلأ إنو أي عمل بينطلب مني وبلاقي فيه الفائدة للمنتدى فبإذن الله مالح قصر فيه


3.برأيك ليش صرتي أنتي بالذات بهاد المنصب ليش ما اختار أدمن وتاتو غيرك لتساعديهن
(سؤال صعب ما ؟؟)
بدك تعذريني عن الإجابة عن هاد السؤال
بس يقول إنو إن شاء الله كون أد المسؤولية وأد هالثقة


4.إذا خيروكي بين الشغل وبين أنك تكوني ربة بيت شو بتختاري وليش
يصراحة ما بحسن اختار بيناتهون لأنو الفصل بينهما بالنسبة إلي شبه مستحيل
الشغل ما بعيق المرأة عن ممارسة حياتها الاجتماعية وبكل سهولة بتقدر توفق بين إنها تكون ربة منزل ناجحة وامرأة ناجحة بعملها
وهاد الأمر بيتطلب الكفاءة والذكاء وحسن التدبير والتوفيق بين العمل والأسرة على حد سواء

مابدي طول عليكي

[ندعوك للتسجيل في المنتدى أو التعريف بنفسك لمعاينة هذه الصورة]
لأنك تحملتيني
ولا يهمك ياسمينة بتموني


باااااااااااااااااااااااي
[ندعوك للتسجيل في المنتدى أو التعريف بنفسك لمعاينة هذه الصورة] باياااتووو