على كرسي الاعتراااااااااف

لا ستيلا
وبس

لاستيلا

وأنا بضم صوتي لصوت عبادة
وبقول
لاستيلاااااااااااااا ويا يا يااااا وهيييييييييييييي

طيب بما انو الشباب والصبايا اختاروا لاستيلا
ف انا رح اسال
1.وين ساكنة
2.شو بتدرسي
3.شو رايك بالصداقة بين الشب والبنت بصراحة وبدون لف دوران

و لاستيلا رسسسسسسسسسميا على الكرسي و لله الحمد بلشت الاسئلة انطرينا يا لاستيلا بكرة بكومة اسئلة هلأ نعسان و فاصل

لا ستيلا
هلا هلا
أنا ماعندي أسئلة كتير
بس شي1468489سؤال
إذا ما عندك مانع

اول شي هاااااااااااااااااااي كيفك انشالله بخير و منبلش الاسئلة
اديه عمرك؟؟
بتحبي الرياضة و اذا بتحبي مين بتشجعي؟؟
لاستيلا هلأ وين بتشوف حالها بعد خمس سنين يعني شو مشاريعك لقدام؟؟
بتحبي السياسة و شو رايك فيها وشو رايك بييلي عم يصير بالعالم اليوم؟؟
شو اكتر لحظة مميزة كانت بحياتك وين و كيف و ايمتا؟؟
شو عطرك المفضل؟؟
ماركة التياب يللي بتحبيا؟؟
وقتك برات الشغل كيف بتقضي؟؟
برايك شو اكبر عيب يشكو منه مجتمعنا بالوقت الحالي في كتير بس حدديلي واحد بتشوفي خطير من وجهة نظرك؟؟
شوو تعريفك للخيانة و هل سبق انو تعرضتيلها قبل بمرة؟؟
شو بتحبي من انواع الثقافة رواية شعر نثر مسرح سينما موسيقى فن تشكيلي ولا مالك اهتمامات ثقافية؟؟
استنادا للسؤال السابق عطينا اسم اجمل رواية او شعر او مسرح او لوحة تشكيلية شفتيها و لمين؟؟
خطك سيريتل ولا ام ت ان هههههههه لعمش على الحشرية؟؟
بتفضلي يكون نمطك بحياتك ليبرالي ام راديكالي؟؟
الحبببببببببب بتؤمني انو لساتو موجود بحياتنا و اذا في شو موقعو بحياتك؟؟
السؤال التاريخي شو نوع معجون سنانك ههههههههههه؟؟
اخيرا شو رايك باالاعضاء التالية اسماؤهم:
TATO
HESO
OOOPS
ROYAL
سليمان
SATI SYRIA
RODY
OBADOV
ولا تواخذينا كترنا عليكي بالاسئلة و ناطرين الاجابات
سلام

ولي كل هدوووووووووووول
بس ماشي يا عبادة ماصار الا و حطيتني عل الكرسي
لا تنسى انو الدنيا دولاب
و اليك الاجابات

اديه عمرك؟؟
عمري 23
العمر كلو بعرف


بتحبي الرياضة و اذا بتحبي مين بتشجعي؟؟
يعني ما الي مراق بالرياضة بس الصراحة شوي بشجع ديفيد بيكهام

لاستيلا هلأ وين بتشوف حالها بعد خمس سنين يعني شو مشاريعك لقدام؟؟
خليني شوف حالي بعد خمس أيام بدك ياني شوف حالي بعد خمس سنين
بس ماشي الحال بشوف حالي بعد خمس سنين عندي شغلي الخاص بس مارح قلك شو هو

بتحبي السياسة و شو رايك فيها وشو رايك بييلي عم يصير بالعالم اليوم؟؟
ماني متابعة لقصص السياسة
مابتجيب غير وجع الراس

شو اكتر لحظة مميزة كانت بحياتك وين و كيف و ايمتا؟؟
كانت أول يوم بشتغل فيه
يعني ما بينوصف هاد اليوم
فظييييييييييع

شو عطرك المفضل؟؟
يعني في حدا بدو يجبلي هدية
عن جد مزوقين كتير
عطري المفضل هو فيرزاتشي يلي الأزازة تبعو لونا أبيض و العطر لونو أخضر هي مشان تعرفو منيح

ماركة التياب يللي بتحبيا؟؟
هيك منصير منعمل دعاية
مافي شي محدد بلبس يلي بيعجبني

وقتك برات الشغل كيف بتقضي؟؟
مع أهلي عل الأغلب

برايك شو اكبر عيب يشكو منه مجتمعنا بالوقت الحالي في كتير بس حدديلي واحد بتشوفي خطير
من وجهة نظرك؟؟
شعبنا كل مالو عم يتواسخ و هل الشي برأيي كتير سيء
يعني اتطلع بالطرقات و شوف اديه وسخة

شوو تعريفك للخيانة و هل سبق انو تعرضتيلها قبل بمرة؟؟
الخيانة الها كتير تعريفات : بس برأيي أكبر خيانة لما الواحد بيتنازل عن مبادؤو لأنو هل الشي
خطير كتير
و كلا لم أتعرض للخيانة الحمد لله

شو بتحبي من انواع الثقافة رواية شعر نثر مسرح سينما موسيقى فن تشكيلي ولا مالك اهتمامات ثقافية؟؟
لأ يوه شو الي اهتمامات ثقافية
عل الهامش أنا :geek: طبعا الي اهتمامات
بس مافي شي محدد يعني بتابع كل شي

استنادا للسؤال السابق عطينا اسم اجمل رواية او شعر او مسرح او لوحة تشكيلية شفتيها و لمين؟؟


خطك سيريتل ولا ام ت ان هههههههه لعمش على الحشرية؟؟
لهووووووووووون كمان
سيريتيل طبعا بلكي منربحلنا شي سيارة

بتفضلي يكون نمطك بحياتك ليبرالي ام راديكالي؟؟
خليني افهم السؤال بالأول

الحبببببببببب بتؤمني انو لساتو موجود بحياتنا و اذا في شو موقعو بحياتك؟؟
أكيد لسا في بحياتنا و الحب مانو مقتصر عل الحبيب او شريك الحياة
يعني الحب لازم يكون موجود بين كل العالم

السؤال التاريخي شو نوع معجون سنانك ههههههههههه؟؟

سيجنال تو تبع التلاتين ليرة لأنو عاملين عليه عرض

اخيرا شو رايك باالاعضاء التالية اسماؤهم:
TATO

يعني بدك ياني حط رأيي بالمدير
منيح يلي ماقلتلي شو رأيك بالأدمين
تاتو مبين عليه شخص أكابر و ابن عيلة

HESO
رومنسي المنتدى

OOOPS
بنت عمتي
عم امزح
بتمنى اتعرف عليكي شخصيا

ROYAL
نقاق
انشا الله يطلعلو أدب فرنسي مشان يعلمنا نحكي فغانسيه

سليمان
شاعر المنتدى

SATI SYRIA
جيد
أو
ممتاز
أو
ماشي حالو

مو عاجبو شي

RODY
رفيقة بنت عمتي
كمان بتمنى اتعرف عليها شخصيا

OBADOV
بحسو خرج يكون قاضي


و أخيييييييييييييييرا خلصت

شو شعورك وإنت على الكرسي

شو رأيك بالمسلسلات التركية
من كل النواحي
اجتماعية
ثقافية
درامية
وهل فادتنا بشيء ما ولو بسيط

شو رأيك بالمسلسلات التركية
من كل النواحي
اجتماعية
ثقافية
درامية
وهل فادتنا بشيء ما ولو بسيط

المسلسلات التركية برأيي تضييع الوقت
و توجيع للعيون
و لحتى مايصير كذب أنا تابعت كم حلقة منن
و حسيت بكمية تفاهة عم تعطيها هي المسلسلات لا يمكن حصرها
بس ممكن تفيد يلي بيتبعو اخر صرعات التياب

شو اسمك الحقيقي
إذا ما عندك مانع

شو مواصفات الرجل الحقيقي برأيك

كم راتبك الشهري

شو أكتر شي بيزعجك
من الناس

شو اسمك الحقيقي
إذا ما عندك مانع
الصراحة عندي مانع

كم راتبك الشهري
مارح قلك اديه
بس الحمد لله منيح بكفيني اشتري دحل

شو مواصفات الرجل الحقيقي برأيك
اهم شغلة انو تقدر تعتمد عليه و يكون سند الك لما بتعتازو

هل يوجد انسان أو انسانة بحياتك بتعتبريهن أخواتك من غير أمك
بتحكيلهن الشاردة والواردة بحياتك
وكم عددهم