على كرسي الاعتراااااااااف

TheLionKing كتب:لك شوووووووووووووو صاير بالدنيا اي كلهم كم يوم غبت عن المنتدى واجيت بقوم بلاقي حالي على الكرسي ومو دريان؟؟؟؟؟؟
عم قول ليش رجليي تسقسقو وتبلبلو تار المي ماشية من تحتي ومالي عرفان
[ندعوك للتسجيل في المنتدى أو التعريف بنفسك لمعاينة هذه الصورة] كان لازم تسألوني

Le RoYaL كتب:

بما أنو ليون على الكرسي
حبلش بلاأسئلة

obadov كتب:مرحباااااا مسيو
أهلا وسهلا مسيو (حاسس هالسلام مو لخير [ندعوك للتسجيل في المنتدى أو التعريف بنفسك لمعاينة هذه الصورة] (
اول شي كيفك شو اخبارك
الحمد لله خير شو بدك انت التاني ما بيكفي رويال
انا اسئلتي قليلة بس محرزة
[ندعوك للتسجيل في المنتدى أو التعريف بنفسك لمعاينة هذه الصورة] لك شفتوا شلوووون ماقلتلكون في شي من ورا هالسلام بلشنا
هل تنظر للدين على انه غاية ام وسيلة؟؟
أكيد وسيلة والوسيلة الوحيدة كمان لأعظم وأهم غاية وهي 1-مرضاة الله والعودة للجنة 2-إعمار الأرض ونشر الخير لأن الله عز وجل جعلنا خلفاءه بالأرض
هل تعتقد اننا وصلنا لوقت يتم الاهتمام فيه بمظاهر الدين اكتر من مضمونه؟؟
أول نقطة أن الدين مافي مظاهر أبداً وإنما كله واقعية وفائدة لنا بكل شي بيتعلق بحياتنا بس المشكلة أن في ناس صارت تحول الدين لمظاهر
بمعنى أن يلي عم يصلي لأن الصلاة أمر من رب السماء والأرض فهو عم يستفيد دين ودنيا وراحة نفسية وصحة بدنية
أما يلي عم يصلي من شان التجار تثق فيه ومن شان المرضى تجي لعندو ومن شان الناس تشتري من محله هادا حول حقائق الدين لمظاهر
شو رايك بالعدالة بالارض و العالم؟؟
رأيي متل رأيي أي إنسان حر ما بيتحيز لأحد وما بيتعصب لرأيه بدون دليل واقعي ملموس
شو رايك بالزواج التقليدي والزواج عن حب وايهما تفضل؟؟
الزواج التقليدي زواج رائع وراقي وكل العقل السليم والفكر الصافي بيشجعوا
أما بالنسبة للزواج عن حب فهو موضوع كبير وما بينحكى عنه بشكل وافي وكافي خلال أسطر لأن المحبين مشاعرهون حساسة ومرهفة إن كان شب أو بنت (بس بقول لكل بنت وقعت بهيك محنة لا تثقي بالشب يلي رمى على مسامعك كلمات الحب والعشق لأن الصادق قليل منهم بهالإيام كتير )وبقول لكل شب وبنت لاتبحثو عن الحب قبل الزواج وإنما ابحثو عن الحب مع الزوجة وتعلمو التعامل الراقي معها والبنت نفس الشي تعلمي ارقى تعامل ممكن يوثق علاقتك بزوجك ولا تبحثي عن شب تحبيه قبل الزواج لأن العوائق بطريقه كبيرة
بس برأيي كل مين وقع بالحب أفضل وأنجح حل له شب كان أو بنت هو الزواااااااااااااج وغير هالحل ظلم للطرفين وبقول لكل أب وام أذا بتوقفوا بوجه ابكم أو بنتكم يلي وقعو بمحنة الحب بتكونو عم تظلموهون وتساهمو بتدمير حياتهم ونفسيتهم والأمثلة كثيرة بالمجتمع وأنا عم احكيلكون هالشي بعد ما شفت نتائجه على كتييييييييير شباب بعرفهون حق المعرفة ونصحتهم وما سمعوا والله يفرج عنهم
هي اسئلتي بس سلااااام ليون
اي كتر خيرك والله دخيل حنانك مسيو عبادة صحيح ما كترت بس التعى قلبي ولازم [ندعوك للتسجيل في المنتدى أو التعريف بنفسك لمعاينة هذه الصورة]