اصدقائي طلاب السنة الثانية: السلام عليكم ورحمة الله
بعرف انو كتير منكم محتارين مشان موضوع الاختصاص لذلك حبيت اطرح هالموضوع لاعطيكم فكرة عن الاختصاصات الاربعة الموجودة بكليتنا لعل وعسى حيرتكم بتزول وبتنحصر خياراتكم وبتشوفوا حالكم وين ؟
رح بلش باختصاص ادارة الاعمال :
اهم مزاياه انه فرص الترقية بمجال الادارة كبيرة ومالها حدود .
امثلة عن المواد :
عملية مثل : محاسبة تكاليف – ادارة مالية – بحوث العمليات – تقويم المشروعات
عملية / نظرية مثل : ادارة المشتريات والمخازن – ادارة المشروعات الصغيرة
نظرية بحتة مثل : فلسفة الإدارة – التسويق الدولي – ادارة اعمال دولية – تنمية ادارية – سلوك تنظيمي
بس اجمالا المواد بتميل للنظري آكتر من العملي
مستقبل الفرع : جيد جدا برا وخاصة بالخليج ولو كان معه دراسات عليا او شهادات متل Mba – Cma بيصير احسن واحسن
عنا بسوريا الوضع اصعب شوي بس كل ماله عم يتحسن بشكل طردي وعم ينطلب اداريين متخصصين
الوظائف الممكن استلامها بعد التخرج:
مدير مبيعات ( شغلي الحالي ) / مدير مشتريات / مدير موارد بشرية / مدير تسويق - وكل المناصب الادارية اجمالا ( حسب الخبرة طبعا ) ماعدا مدراء المصارف اللي يفضل أنو يكونوا خريجين مصارف او اقتصاد والمدراء الماليين اللي هنن اصلا محاسبين بخبرة طويلة .
يطلب للدراسات العليا 40 طالب كل سنة .
ثانيا : المحاسبة
امثلة عن المواد : محاسبية عملية مثل : محاسبة التكاليف - المحاسبة الادارية – تحليل القوائم المالية – المحاسبة الضريبية
محاسبية نظرية مثل : نظرية المحاسبة – نظم المعلومات – مشكلات محاسبية – المراجعة
ونصيحة : اللي ما بيحب المحاسبة ومو شاطر فيها يبعد عن هالاختصاص تماما
اكبر ميزة لاختصاص المحاسبة هي فرص العمل السريعة بعد التخرج
الوظائف الممكن استلامها بعد التخرج :
محاسب /أمين مستودع / مدير مالي ( بعد سنين خبرة طويلة )/ مدقق حسابات ( بحاجة لشهادات عليا) / محاسب قانوني ( بحاجة لشهادة Cpa ) وهو ارقى ما يوصل اليه المحاسب
ثالثا : الاقتصاد
امثلة عن المواد :
اقتصادية بحتة مثل : التنمية الاقتصادية – الاقتصاد المالي – تخطيط اقتصادي – اقتصاديات عربية – اقتصاد زراعي - علاقات دولية
اقتصادية عملية مثل : الاقتصاد القياسي – الاقتصاد الرياضي – استخدام الحاسوب
اقتصادية ادارية مثل : الادارة المالية – تقويم المشروعات
اهم مزاياه انه بيضم نخبة من دكاترة الكلية الممتازين
مواده متنوعة بشكل كبير وتجمع بين النظري والعملي التطبيقي
شهادته هي الاقل حظا من ناحية فرص العمل
الوظائف الممكن استلامها بعد التخرج :
محلل اقتصادي / مستشار اقتصادي للشركات / موظف بالملاحق التجارية للسفارات
ممكن يتعين الخريج باحدى الوزارات مثل الاقتصاد والصناعة وتخطيط الدولة والمالية
مع وجود فرص ترقية تبعا للخبرة
الدراسات العليا موجودة ومطلوب 40 طالب كل سنة .
اللي خلاني أبعد عن الاقتصاد هو عدم امكانيتي لاكمال الدراسات العليا .
رابعا : المصارف
اهم مزاياه :
رواتب البنوك هي الاعلى حاليا . وسوريا عم تشهد نمو كبير بالقطاع المصرفي .
امثلة عن مواده :
مواد مصرفية وتأمينية مثل : العمليات المصرفية – منشآت مالية – مراجعة الحسابات – ادارة المحفظة – ادارة المخاطر – رياضيات التأمين
مواد اقتصادية مثل : الاقتصاد المالي – الادارة المالية – الاسواق المالية – دراسة الجدوى الاقتصادية
مواد ادارية مثل : ادارة المصارف- التسويق المصرفي - الرقابة الادارية والمالية
الخريج ممكن يتدرج بوظيفته بالبنك من موظف عادي لمدير فرع لمدير عام وطبعا الخبرة هي العامل الاساسي بالموضوع .
بتمنى كون من خلال هالعرض قدرت وصلكم فكرة ولو صغيرة عن الاختصاصات الاربعة
وبعتذر عن عدم ذكر قسم الاحصاء لقلة معلوماتي حوله
بتمنى الخير والتوفيق للجميع
» لو كل الحياة ورد
» رسائل احترقت وترمدت
» حاب القلوب الخضراء
» نبضات خرساء....
» المواطن السوري
» ساعات للعالم الفهمانة
» ماذا نعني بالعقل الواعي واللاواعي
» كيف لا أشتاق لك
» حقائق لا تعلمها
» هل هناك صداقة حقيقية بين الشاب والفتاة؟؟؟!!!
» اختلاف وجهات النظر لا يفسد للود قضية
» هل تقبل النقد؟؟؟؟؟
» بين الحنان والحنين....
» اذا خيروك....شو بتختار....
» سؤال رياضي بحت
» فراشات ضلت الطريق
» لن انساكي
» لعبة الغياب
» فقط ضع وزنك وراح يعطيك الرجيم المناسب واحتمال اصابتك بالسكر