أبو العبد وأبو صطيف والحمام الزاجل

أبو العبد وأبو صطيف قاعدين بالقهوة...قال أبو العبد لأبو صطيف: شايف يا أبو صطيف هالصرعة الجديدة، هيدا يللي أسمو موبايل.أبو صطيف: شايف بالله، نحنا ما خلصانين بفواتير التلفون العادي حتى هلق فواتير الموبايل.أبو العبد: والله، يا أبو صطيف ما إلنا غير نصير نستخدم الحمام الزاجل أنا وأنت، ونتراسل بالحمام الزاجل متل ما كانوا يعملوا جدودنا من قبل، ولا فواتير ندفعها ولا بلوط.أبو صطيف: والله، فكرة حلوة يا أبو العبد وتاني يوم، صار أبو العبد وأبو صطيف يتراسلوا بالحمام الزاجل... هيك قرابة شهر.وبيوم من الأيام، قاعد أبو العبد على هالشباك، وإذ، إجتو حمامة!قال أبو العبد: هه، هيئتو أبو صطيف باعتلي رسالة
مسك أبو العبد الحمامة، وصار يفتش فيها ويقلّبها - فتش بين رجليها، تحت جناحيها، ما لقى شي. فتش ببدنها كمان ما لقى شي !
فاستغرب، ومسك هالموبايل وأتصل بأبو صطيف:أبو العبد: وْلي أبو صطيف، باعتلي حمامة فاضية؟
أبو صطيف: ولِكْ لأ يا أجدب، هيدي معناها "مس كول"