لماذا ليست اللغة العربية

gardinia كتب:اولا مشكور على هالموضوع وهالسؤال لازم ينطرح اليوم وكل يوم

وبالنسبة للسؤال:بعد الاهتمام بالمعلوماتية ومجال الاتصالات والانترنيت والحاجة مع الكمبيوتر للغة الانكليزية صارت الناس تتوجه لتعلمها للجهل فيه او قلة العالمين بها وشوي شوي بديت تختفي اللغة العربية رغم انها احلى لغة وبكفي انو شو ماحكيت فيها كل عربي بيفهم عليك
هدا سبب من الاسباب

buble fan كتب:

شكرا كتييير لالك صديقي عالتنبيه الحلو
انا نفسي بستخدم مصطلحات أجنبية كتير
بس لازم الواحد يتطلع عالموضوع من وجهة نظرك الحق معك
تقبل مروري

STAR OF STARS كتب:اللغة العربية أجمل لغة في العالم

والحمد لله انا ما بحب الكلمات الأجنبية انا وعم احكي

وبفتخر بلغتي لغة القرآن

Sati-Syria كتب:ميرسي كتير على الموضوع الرائع
و ثانكس الك لأنك زكرتنا بلغتنا


شو رأيكم بالتخبيص ؟



أهمل العرب لغتهم لمطاردتهم طبائع غيرهم من هم ليسوا من العرب
و الغريب أنك ترى الكثير من الأجانب يتهافتون على تعلم اللغة العربية التي أهملها أصحابها ، مع الأسف .

The Prince Of Goodness كتب:فعلا اللغة العربية هي أهم لغة بحياتنا ولازم نهتم فيها كتير......شكرا الك على موضوعك واهتمامك

السوري الاماراتي كتب:آخ يا ابن الشام شو بدي أحكي لأحكي
شو رأيك أني بمكان اقامتي بتكلم الانكليزية اكتر من العربية
يعني مشكلتي أكبر من مشكلة المثقف يلي حابب يورجي العالم أنه مثقف
المشكلة يلي عندي أني ببلد عربي قليل لتتكلم مع الأشخاص باللغة العربية
يعني من سومين كنت بالمشفى فالريسيبشن فلبينية وحاكيتها بالانكليزي
ورحت لعند ممرضة الدكتور فهندية وكمان حاكيتها بالانكليزي
ووصلت لعند الدكتور فكمان كان اتلدكتور هندي وحاكيته بالانكليزي وبعض العربية المكسرة حتى يفهم المرض يلي عندي من قبل لأني ما درست أسماء الأمراض بالانكليزي
وبعدها رحت عالصيدلي فكمان بالانكليزي
لك هاد كله كوم وأنه تحكي مع واحد عربي بالانكليزي كوم تاني
يعني تصور مرة طالع بالمصعد عالبيت فطلعت معي جارتنا وهي عربية فوقت كبستلها الزر من شان تطلع بدل ما تقلي شكرا قالتلي ثنك يو
قمت من كتر ما تجاكرت قلتلها عفوا
يعني أنا بمكان عربي بالاسم وكل الناس يلي معي لازم حاكيهم بالانكليزي
أو حتى في منهم لازم أتعلم لغتهم فاذا بدك صرت أعرف أحكي شوية أوردو من شان مشي حالي مع البنغالية والباكستانية
لك آآآآآآآآآآآخ آآآآآآآآآخ
خليني ساكت يا ابن الشام أحسنلي
الظاهرة يلي أنت عم تتكلم عليها عنا صارت عادي قدام الأشياء التانية
سيدي الا ما ترجع اللغة العربية متل ما كانت
ووقتها منخليها اللغة الأولى بالعالم
شكرا عالموضوع تقبل مروري

Ooops كتب:والله يا ابن الشام سؤالك بيجرح للصميم
يمكن صار هيك بسبب ظاهرة الفزلكة والفشورة يللي عم تنتشر بالواقع العربي
وطبعاً حب التقليد الأعمى للغرب
وللأسف الشديد لو العرب عامة والمسلمين خاصة بيرجعو متل أول جيل القرآن الكريم بالفعل وليس بالاسم أكيد بترجع بتنهض لغتنا العربية لغة القرآن
شكراً كتير إلك على موضوعك الهادف والأكثر من رائع

gardinia كتب:ممكن تكون اللغة العربية لغة التكنولوجيا بس هاد بصير بعد شي 1000 سنة على اقل تقدير لمن نبدا نحنا العرب نخترع الالات يلي العالم بحاجتها ساعتها منفرض على العالم يتكلم العربية ويتعلمها ويتقبلها

مع الرغم انه نحنا ماعم نتكلم اللغة العربية بشكل سليم والدليل دور على كتير الفاظ نحنا منقولها ومنكتبها بطريقة عربية بس هي اصلها ايراني او ما شابه
شكرا

الفلسطينية المغامرة كتب:أما بالنسبة لي فانا من عشاق اللغة العربية وكوني انا بدرس لغة عربية فانا بشوفها من اجمل اللغات في العالم كلها بعض النظر عن صعوبتها لانو المجتمع الغربي قليل مهنم لحتى يتقنو اللغلة العربية وهي بيتقبى لغة القرآن الكريم يلي انزلها الله تعالى على نبينا محمد عليه السلا وعلى جميع الامم
بس للا سف الناس يلي بمجتمعنا مابيقدر قيمة هاللغة وصار مجمتعنا عم يهتم بالانكليزي اكتر من العربي وذلك بسسب الوظائف
ومع انو الغرب بشوفو اللغة العربية لها قيمة كبيرة وجوهرية
شكر على الموضوع

shadow hunter كتب:انا بدي اشكرك عالموضوع
وبدي رد على غاردينيا
بدي قول:
معلش لو كنا بعصر التكنولوجيا هدا مو عذر ما نحنا اول مين بلش بالعلوم ودراستها بس نحنا اللي فلتنا الامور من ايدينا
_المهم انو نكون مواكبين التطور شي وانو نتصنع المواكبة شي تاني
اللي بيعمل حالو انو مثقف لازم يعؤف قيمة اللي لغتو لانو هي عبارة عن تاريخو واللي بيترك تاريخو بيموت
_شي حلو انو الواحد يعرف لغة وتنتين وتلاته بس مو للتباهي بالعكس اول شي الواحد بيستفيد منها بالغربة يعني ما بيحتاج حدا وتاني شي بيوسع دائرة معرفتو بس اللي صاير عنا انو مثلا بيجيك واحد بس بيفهم باللغات بسألو سؤال بمجال تاني بيفوت بالحيط اذا هيك شو استفذنا من اللغة تبعو لان اللغة مو بس لنحكيها , كمان لحتى نشوف شو الشعوب التانية عم تحاول تتطور ونستفيد منها


شكرا الك صديقي ولغيرتك وحبك للغة العربية
احترامي وتقديري للجميع




من ترك شيئا لله عوضه الله خيرا منه

يمكن طولت عليكن وبتمنى انو يكون حكي فيه فائدة وما يكون لعي عالفاضي
يسلمو ايديك اخي ابن الشام ويعطي العافية